→ كل الوصفات
سلطة صحية ولا اطيب مش ممكن تجربوها وما تدمنوها 😋😍
المقادير
- 3 ورقات خس 🥬
- 1/2 شرحة صدر دجاج 75غ
- لتتبيلة الدجاج : ملح +فلفل+زيت زيتون
- شي 5 قطع توست اسمر + زيت زيتون
- للصوص : حص ثوم واحد
- 1/2 حامضة (ما يعادل معلقتين طعام)
- معلقة كبيرة زيت زيتون
- معلقة صغيرة خردل
- 2 معلقة كبيرة مايونيز لايت
- معلقتين طعام بارميزان
- رشة ملح+رشة فلفل اسود+رشة اوريغانو
طريقة التحضير
- نغسل الخس ونتركه ينشف عالآخر هذه الخطوة كتير مهمة واذا ما معنا وقت منّشفه بمناديل ورقية للمطبخ
- منبلش بالتوست منجيب ٢ توست منحطهم فوق بعض ومنقص الاطراف ، ومنقطعها لمكعبات متساوية ، منحط القطع بوعاء منجيب سن ثوم منرش عليه شوي ملح ومنهرسو ومنضيفوا للخبز رح يعطي طعم خرافي منضيف ملعقة زيت زيتون ومنخلطهم بقلب بعض منيح بعدين على المقلاة منحمصهم شوي حتى يشقروا ممنوع يغمق لونهم للاسود (يصبح للرمي)
- منجي للدجاج منتبله برشة ملح و فلفل من الجنبين ومندهن الوجه بشوي زيت الزيتون عالجنبين
- منحمي المقلاة و منمسحها بمنديل ورقي شوي زيت زيتون حتى ما يلتصق الدجاج ومنترك الدجاج ينطبخ على نار دقيقتين لكل وجه
- منجهز الصوص لكان رتاح و برد شوي الدجاج شي (٥ دقائق
- للصوص منضيف بوعاء معلقتين المايونيز و نصف ليمونة ومعلقة الخردل الصغيرة ومعلقة كبيرة زيت ، وسن ثوم مهروس ناعم كريمي ومعلقتين جبنة بارميزان ناعم او اكثر حسب رغبتكم ومنختمها برشة ملح والفلفل والاوريغانو ومنخلط جميع المكونات مع بعضهم
- منجي لصحن التقديم منحط فيه اولاً الخس المقطع قطع كبيرة ومنضيف الخبز بعدين منضيف الصوص ومنخلطهم جيداً واخيراً فوقها منحط الدجاج ورشة بارميزان وصحة وعااافية🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد