→ كل الوصفات
#لمسات_وردةالياسمين المتألقة درتها انا وولادي دخلتهم الكوزينة وكل واحد دارلي حاجة يعاونوني بلا ما يكسرولي راسي لقيت كي ندخلهم الكوزينة احسن بالاخص فارس يعود ملاك كي يدخل للكوزينة ربي يعيشو هو اللي عصرلي التشينة قالي ماما انا احسن طباخ 😂😂😂😂لي دور تعطيه بنتها تتفضل وليدي شاطر هههههه
المقادير
- حبة تفاح
- 3 حبات موز
- حبات من الفرولة
- 5 حبات برتقال
- 1/4 كاس ماء الزهر
- 3مغارف سكر
طريقة التحضير
- بسم الله اللهم صلي وسلم على نبينا محمد اولا نغسل كل الفواكه تاعنا ماعدا البرتقال انا قطعت الا حبة نقطعهم مربعات صغيرة
- من بعد نعصر حبات البرتقال الاربعة انا صراحة فارس وليدي راه الشاف معايا راه هو اللي يعصرلي فيه ضفت هذاك العصير للفواكه مع ماء الزهر والسكر
- من بعد نحطها في الثلاجة تريح ونقدمها وقت التقديم جات بزاف بنينة بنة ماء الزهر مع البرتقال بنة تهبل بالصحة والراحة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد