→ كل الوصفات
ديما لما بنيجي نعمل محشي باذنجان بنرمي قلبه ، النهاردة هقولك على طريقة سلطة باستخدام قلب الباذنجان وحقيقي لذيذة وتنفع سلطة او تغميسة بجانب عيش محمص وبالف هنا 🙂 #اطبخها_لا_ترميها
المقادير
- قلب الباذنجان
- فلفل رومي وحار مقطع صغير
- طماطم منزوعة البذر مقطعة صغير
- م ص ثوم مفروم
- زيت زيتون
- ملح
- فلفل
- كمون
- كزبرة
- بابريكا
- طحينة مخففة بماء
- 2 م ك زبادي
- عصير ليمون
طريقة التحضير
- في بولة خلط قلب الباذنجان مع الثوم والفلفل والطماطم وزيت الزيتون وجميع التوابل السابقة ،
- بعدين فردتها في صينية ودخلتها الفرن تستوي براحتها خالص وبعدين فتحت عليها الشواية ،
- لو طلعت عندك كمية ممكن في الخطوة دي بس لما الباذنجان يكون استوي تقسميه في أكياس تخزين بعد ما يبرد طبعاً ،
- بعدين جهزت صوص السلطة وهو طحينة مخففة بماء وعليها ٢ ملعقة كبيرة زبادي ، بعدين ضفت ليه الباذنجان المشوي وعصرة الليمون وقلبت كله مع بعضه وظبطي الملح ورشي رشة زيت زيتون على الوجه وبس كدة ،
- ممكن تقدميه بجانب اكلة سمك ، او اكلة مشاوي ، او كتغميسة مع عيش محمص او مقلي وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد