→ كل الوصفات
#فريق_حورية كيما تعرفو لبنات مكانش لمة عشاء او غداء بدون سلطة والبارح انا اخوتي تلمينا على مايدة وحدة مع الوالدين ربي يخليهم وكانت هذي السلطة لي مزينة ومبهية المايدة تاعنا
المقادير
- 2 كاس روز
- علبتين تونة زيت
- فنجال ماييز
- 3 حبات جزر مغليين في ماء
- حبتين بيض
- مايوناز صنع منزلي الكمية مرغوب فيها بمقادر بيضة و250ملم زيت
- 4 حبات جبن
- عصرة ليمون
- ملح
- فلفل اسود
- حبتين بيطراف مغلي في الماء
- ½ رطل اوراق سلطة خضراء تقريبا
- فينيغرات
طريقة التحضير
- بسم الله اللهم صلي وسلم على نبينا محمد اولا نغلي الروز في ماء وملح وورقة رند لما يغلي مليح نصفيه ونفوره ونتركه يبرد من بعد نضيفله الماييز وعلبة تونة والجزر لي غليتها قطعتها اضفت المايوناز لي خدمته في المنزل واضفت الجبن وخلطت الكل مع بعض اضفت عصرة صغيرة من الليمون ورشة فلفل اسود وتركته جانبا
- من بعد غليت البيطراف انت استعملت حبتين فقط.وغسلت الخس
- وهنا اختي بسكرية بنت الغز انا وياها خدمنا ديكور السلطة مع بعض هي مريضة لكن دخلت واضافت لمستها معي
- وقدمت السلطة تاعي مزينة تفتح النفس وبهات الطاولة تاعنا جات بزاف بنينة الله يدومها نعمة ولمة وربي يحفظلنا الطيب وفطيمة يارب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد