→ كل الوصفات

سلطة معكرونة مع المايونيز

كتير طيبة وسهلة ولادي بحبوها كتير😋

  • 2 كيس معكرونة شكل حلزوني (ملون أو عادي)
  • 2 مرطبان مايونيز صغير او واحد كبير
  • 4 خيار عادي
  • 4 خيار كبيس
  • 4 لفت كبيس
  • دبسة زيتون مفقّى
  • بصلة صغيرة
  • ملعقة صغيرة ملح
  • 0.5 ملعقة بهار ابيض
  • فنجان قهوة زيت زيتون
  • علبة ذرة
  1. منسلق المعكرونة بس بطريقة ما تستوي بالسلق كتير مشان ما تفرط
  2. منفرم الخيار والكبيس والبصلة فرم ناعم
  3. منحط فوقهن الذرة والزيتون المفقّى والمايونيز والملح والبهار ومنخلطهن
  4. منشيل المعكرونة عن الغاز بعد السويان ومنحطها تحت المي تتبرد ومنصفيها كتير منيح
  5. منحطها فوقهن هي وزيت الزيتون ومنخلطهن
  6. بالصحة والهنا 😋
عجبتك الوصفة؟
شوف كل وصفاتنا في مكان واحد
كل الوصفات →