→ كل الوصفات
بما إن إنهارده عيد الربيع و ده عيد فرعوني بنحتفل بيه إحنا المصريين من قديم الزمان و بطريقه واحده مبتتغيرش لينا ثلاث آشكال للإحتفال و هي الآولي آكل السمك المملح و هو ( الفسيخ و الرنجه و السردين ) و الثانيه تلوين البيض و الثالثه عمل البريوش و آكله دي بقي طريقه للرنجه يعني خفيفه شويه و بصراحه عملتها كده لاني استحاله اخرب الدايت اوي و اكل منها بقي بعيش و هي بصراحه بتآكل جدآ قولت اعملها كده كسلطه و اخد معلقتين و ده يكون غدائي و خلاص يا رب تعجبكم
المقادير
- 1 رنجه
- 1 كوب زبادي
- 1 بصل اخضر مفروم
- 1 كوب كرنب احمر مفروم
- 1/2 كوب كابوتشي مفروم
- 3 خيار حجم وسط مبشور
- 1 ملعقه طحينه (اختياري)
- 1 عصير ليمونه
طريقة التحضير
- اول حاجه هنجيب الرنجه و علي عين البتوجاز و نحطها و احنا ماسكينها بإيدينا لحد ما تنتفخ و يتشقق جلدها
- بعد كده هنخدها و نخليها من الشوك و نقطعها قطع صغيره و نضعها في بولا و نضع فوقها الزبادي و عصير الليمون و الطحينه انا بصراحه محتطش طحينه و نهرسهم بشوكه كويس جدا
- بعدين نضيف الخضار المفروم علي خليط الرنجه و يقلب ثم يغرف و يقدم
- و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد