→ كل الوصفات
#مقبلات_رمضان من الاحسن نرافقو اطباقنا الخاليه من الخضروات كالمشاوي والعجائن والمقليات من الاسماك او اللحوم بسلطه خضروات حتى يكون اكلنا متوازن من حيث النوعيه
المقادير
- حبتين شمندر
- صلصه السلطه
- معدنوس مقطع رقيق للتزيين
- لسلطه جزر مشرمل
- 4 حبات جزر
- ثوم
- ملح
- فلفل اسود
- عكري
- كمون
- ملعقه خل
- معدنوس مقطع رقيق للتزيين
طريقة التحضير
- نغسلو مليح الشمندر ونحطوه يغلي في ماء وملح حتى يطيب نعرفو انو طاب كي ندخلو سكين فيه تدخل بسهوله نقشروه ونقطعوه قطع صغيره مربعات تقريبا نتبلوه بصلصه السلطه تكون فيها الثوم لانو يحب الثوم باش يجينا بنين نخلطوه مليح ونخليوه فالثلاجه لحين التقديم من بعد ادا شفناه شرب الصلصه تاعو لابأس نظيفولو القليل منةالصلصه للمره الثانيه والله غير سلطه بنينه وسهله والشهندر معروف بفوائده العديده تقدم في صحن مع رشه معدنوس
- اما بالنسبه للجزر نغسلوه ونقشرو ونقطعوه دوائر ما يكونوش رقاق بزاف او ما يكونوش خشان من بعد نملحهم و نفورهم فالكسكاس او هوما يفورو نكون حطيت طنجره صغيرة على النار فيها ثلاث ملاعق من زيت الزيتون وفصين ثوم مهروسين وملعقه ص عكري ونصف ملعقه ص كمون وملح وفلفل اسود ونحرك مليح ونظيف الجزر اللي طاب تماما ونحرك شويه باش يتنسم مليح ونظيفلو القليل من الماء حتى تكون عندنا شويه صوص فقط ولما تغلي و تتنكه مليح الجزر تاعنا نطفو عليها النار ونظيفو ملعقه خل ونرشوها بالمعدنوس ونقدموها بارده
- وهاهي في صحن التقديم او بالصحه والراحه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد