→ كل الوصفات

سلطه فراخ

سلطة سهله ولذيدة ومشبعه ومغذية وممكن تكون وجبة متكاملة #فراخ #سلطة_فراخ #طبختها_بحب #طبخه_من_اول_خطوة_مع_إيسوو

  • 1/2 كيلو صدور فراخ مقطعه شرايح
  • معلقه زيت
  • 1 فلفل رومي اخضر مقطعه مكعبات صغيره
  • 1/2 معلقه ملح
  • 1/4 معلقه فلفل اسود
  • 1/4 معلقه بهارات فراخ
  • 1 باكت عيش لبناني مقطع مكعبات وسط
  • زيت غزير للقلي
  • رشه ملح
  • رشه فلفل اسود
  • 1 كابوتشا مقطع شرايح رفيعه
  • 1/2 كوب مايونيز
  • 2 معلقه صغيرة عصير ليمون
  • رشه فلفل اسود
  • ربع كوب جبنه شيدر مبشوره
  1. في طبق كبير ننزل شرايح الفراخ ونتبلها بملح وفلفل وبهارات فراخ ونقلبها كويس
  2. وفي طاسه علي النار ننزل بمعلقه الزيت ونسيبها تسخن كويس
  3. وبعدين ننزل بشرايح الفراخ ونقليبها ونسيبها تستوي علي نار عاليه
  4. وقبل منطفي النار بدقيقتين ننزل بالفلفل الرومي ونقلبيه مع الفراخ كويس
  5. في طاسه كبيره ننزل بزيت غريز ونسيبه يسخن وبعدين نقلي العيش فيه لحد مياخد لون دهبي فاتح وبعد منطلعه نرش عليه رشه ملح وفلفل (وممكن لو عايزينه اخف وصحي ممكن تحمص العيش في الفرن)
  6. نبدء بقي في تجهيز الصوص في طبق ننزل المايونيز وعليه عصير الليمون ورشه الفلفل الاسود ونقليبهم كويس جدا
  7. نبدء بقي نجيب طبق التقديم نحط اول حاجه شويه عيش محمر ونفرده كويس وعليه طبقه من الفراخ وبعدين الكابوتشا ونوزع شويه صوص عليها وبعدين نحط شويه جبنه شيدر مبشورة عليها ونرجع نحط عيش مرة تانيه وعليه فراخ وبعدين كابوتشا وصوص وننزل عليه رشه جبنه شيدر مبشورة
  8. وبالف هنا
عجبتك الوصفة؟
شوف كل وصفاتنا في مكان واحد
كل الوصفات →