→ كل الوصفات

سمان محشي بالرز والكبد والقوانص 🥳⁦❤️⁩

تقدري تعملي نفس الخطوات في الحمام بالظبط 😍 بالف هنااا

  • سمان
  • 2 بصله وسط
  • معلقه صغيره فلفل اسود مطحون ومعلقه صغيرة مش مطحونه للشوربه
  • ملح وبهارات
  • زيت او حتى سمنه صغيرة
  • ¼ كوب رز
  • 2 ورقه لورا
  • مستكه وحبهان واحدة من كل نوع
  1. نغسل السمان كويس جداً بالخل والملح ونشطفه ونسيبه على جنب
  2. نفرم البصله ونشوحها في حتى السمنه او الزيت ونقطع الكبد والقوانص بتاعه السمان وننزلها على البصل وبعدين نحط الرز بعد ما يتغسل طبعاً ونحط الفلفل الاسود بتاعنا ومعلقه صغيرة بهارات وملح ونحط ربع كوب ماء عليهم ونقلب تقلبيتن وتقفل عليهم
  3. نحط الحلة بتاعتنا على النار وننزل فيها بحبه زيت صغيرين ولما الزيت يسخن نحط فيه مسكته وحبهان واحدة وننزل عليهم بالماء ونحط فيها فلفل اسود وورق لورا ونسيها تغلي
  4. نحشي السمان وننزله في الماء اللي بتغلي ولما يستوي ناخده من الشوربه وندهنه حتى سمنه صغيرة خالص وندخله الفرن وبالف هنا 😍 وصحه وعافيه
عجبتك الوصفة؟
شوف كل وصفاتنا في مكان واحد
كل الوصفات →