→ كل الوصفات

سمان محشي وتتبيله الاسرار الذهبيه

طريقة عمل سمان محشي وتتبيله الاسرار الذهبيه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 حبات سمان متنضف وجاهز
  • 1 م ص توابل دجاج
  • 1 م ص كاري وزيها بابريكا وثوم بودر وزعتر
  • 1/2 م ص قرفة وزيها كمون وبصل بودر وخلطه التوابل
  • 1/4 م ص سبع بهارات و2 قرنفل
  • ملح وفلفل اسود ورشه جوز الطيب وروز مارى وزنجبيل
  • 2 م ك زبادي
  • 1 م ك زبدة سايحه
  • 1 م ك خل
  • 1 م ك دبس رومان
  • 1 م ك صويا صوص
  • 1 م ص عسل اسود او سكر بني
  • 1/2 م ص زيت زيتون او ذرة
  • لل4 سمانات هتاخد نص كوب رز
  • فص مستكة
  • 1 بصلة وسط مفرومة ناعم
  • م ص زيت "عشان ياخذ لمعه"، او سمنه، زبدة
  • م ص عسل
  • 1/2 م ص كزبره ناشفة
  • رشه جوز الطيب
  • 1 ورقه لورى وعود قرفة و2حبهان
  • ملح وفلفل اسود وربع مكعب مرقه
  • 2 م ك زبيب وزيها لوز
  • 3 حبات بطاطس حلقات سميكه
  • 2 حبايه جزر حلقات سميكه"اختياري"
  • 2 حبايه فلفل رومي حلقات سميكه"اختياري"
  • م ك زيت زيتون او ذرة
  • م ص بهارات شوى
  • 1/2 م ص بابريكا وزيها كاري
  • ملح وفلفل اسود وورقتين لورى ورشه زعتر
  1. هنغسل السمان كويس اوي بالطريقه بتاعتنا وندعكه بالملح والليمون من جوا وبرا وننقعه شويه في المحلول ونشطفه ونصفيه، هنحط كل مكونات تتبيله السمان على بعض ونحط السمان فيها ونحاول ندخلها في كل حتى فيه جوا وبرا وكل الزوايا ونخليهم على الاقل ساعة ونص في الثلاجه وياسلام لو قبلها بيوم، **نحضر الرز في الوقت دا هنفرم البصله نقلبها في الزيت ونحط المكسرات وقلب دقيقتين هنضيف التوابل وبعدها نضيف العسل نص دقيقه تقليب وننزل بالرز ونحط كوب ل كوب الاربع مياه ونسيبه يتشرب نص تسويه "من برا طريه ومن جوا لا"
  2. لانه هيكمل تسويه في الفرن، نسيب الرز يبرد، بعد منقطع البطاطس ونغسلها نقلبها مع التوابل بتاعتها ونحطهم في الصينية "نحط عليهم بردو بواقي تتبيله السمان" هنحشي كل سمانه ¾ حشو لان الرز لما يستوي هيتمدد نقفل السمان ب اعواد الاسنان او نخيطها، ونجهز خلطه التلميع وندهن السمان، هنغطي الصينية بورق فويل وتدخل فرن متسخن على 200°لمده40دقيقه او اقل حسب قوه الفرن وبعد المده نشيل الورقه وندهن السمان تاني ونخلي ربع ساعة تحت الشوايه ياخذ لون وبالف هنا🩵
عجبتك الوصفة؟
شوف كل وصفاتنا في مكان واحد
كل الوصفات →