→ كل الوصفات

سمكة تونة محشية جمبري على صينية بطاطس

يعني هو فيه احلى من كدة 😋😋😋

  • سمكة تونة كبيرة الحجم
  • شرايح بطاطس
  • بصلة كبيرة
  • م ص ثوم مفروم
  • 3 طماطم مكعبات
  • 3 فلفل رومي وحار مقطعين
  • 3 عود كرفس
  • ¼ كيلو جنمبري متوسط الحجم او صغير
  • 1 من كل (طماطم ، فلفل ، بصل) مقطعين مكعبات
  • 3 م ك مليانة ثوم مفروم
  • 2 عود كرفس مفروم
  • فلفل حار مفروم اختياري
  • م ك من (كمون ، كزبرة ، ريحان ، بابريكا)
  • عصير ليمونة
  • 2 م ك خل
  • ¼ كوب زيت
  • ملح
  1. اول حاجة جهزت مكونات الصينية : قطعت كل الخضار وحطيته في الصينية
  2. ثاني حاجة نضفت السمكة : نضفت السمكة كويس جداً وعملت فيها فتحات زي الصورة كدة بالظبط عشان التتبيلة تدخل فيها ،
  3. ثالث حاجة جهزت مكونات الحشوة على بعض في بولة ،
  4. رابع حاجة خلط كل مكونات التتبيلة : على بعض كويس اوي وقسمتها على ٣ اجزاء ، جزء تبلت بيه الصينية وقلبته كويس مع الخضار المتقطع ، وجزء للسمكة من جوة بطنها ومن برة وفي الفتحات ، وجزء تبلت بيه الحشوة وحشيته جوة السمكة كلها ،
  5. حطيت السمكة على وجه الصينية وحطيت ماء بس وانتي بتحطيها يبقى من جنمب في الصينية كدة عشان الحشوة متقعش ، بعدين غطيتها بفويل ودخلتها الفرن ،
  6. ولما استوت رشيت رشة زيت على الصينية والسمك وفتحت عليها الشواية ، وهنا انا مسوياها زيادة ومنشفة ماء البطاطس عشان اكلناها بالعيش ممكن انتي متعمليش كدة ، بصي ازاي مقرمشة وتجنن 😋 ،
  7. بجد بجد من اطعم انواع السمك والحشوة دي ادت طعم يجنن ليها وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →