→ كل الوصفات

سمك بالزيت والليمون

لان انا من بورسعيد هعملكم الاكلة اللي اخدتها من جدتي و مطاعم مشهورة بتعملها ب الظبط #وصفات_بالفرن #سمك #منيو_اليوم

  • كيلو سمك دنيس واي نوع تاني
  • حزمة بقدونس
  • 2 بطاطس
  • 5 ليمون
  • 2 فلفل اخضر
  • 2 بصل
  • ملعقة كمون
  • 1/4 كوب خل
  • فلفل مهروس
  • 3 طماطم
  • 4 فصوص ثوم
  • 1/4 كوب زيت
  • معلقة ملح
  1. نغسل السمك كويس جداً بالملح و الخل و نسيبهم نص ساعة
  2. في طبق نجهز التتبلة اللي هي (الخل و الملح و الثوم و نعصر 2 ليمون و الكمون و الفلفل المهروس) و نسيب السمك في التتبيلة لمدة ساعة او ساعتين
  3. وبعدين نجيب صينية و نحط فيها شوية زيت صغيرين و بعدين نحط فيها البطاطس و الطماطم والبصل و نقطعهم شرايح
  4. نجيب السمك و نرصه في الصينية و نجيب 3 الليمون و نقطعه شرايح و نحطه وسط السمك و بعدين نحط البقدونس و ماء بسيطة عشان السمك ميتحرقش
  5. نسيبه يغلي مع الماء لمدة 15 دقيقة
  6. وبعدين نحطه في الفرن على درجة 220 لمدة 15 دقيقة او 10 دقائق لحد ما يستوي
  7. و بعدين نقدمه مع رز حبة و حبة او شعيرية و بالف هنا
عجبتك الوصفة؟
شوف كل وصفاتنا في مكان واحد
كل الوصفات →