→ كل الوصفات
اكلة سمك لذيذة اوووي وحرشة وطعمها يجنن، دي وصفتي لمنيو الاسبوع يا بنات 😉
المقادير
- 2 كيلو سمك بلطي حجم متوسط
- 2 م ك ثوم مفروم
- فلفل حار وعادي مفروم
- 2 م ك كمون
- م ك كزبرة ناشفة
- م ص شطة
- عصير ليمونة
- ¼ كوب زيت
- 2 م ك خل
- م ك ملح
- دقيق مضاف ليه قليل من النشا
- م ك من تتبيلة السمك السابقة
- ½ كوب صلصة
- كوب ماء
- مكعب ماجي
- ½ كوب كزبرة خضرة
- زيت
- بصلة كبيرة مبشورة
- 2 كوب ارز
- م ك كمون
- م ص فلفل اسود
- 2 كوب ماء
- فلفل حار مقطع ومقلي
- رشة ملح وفلفل
- عصير ليمون كتير
طريقة التحضير
- اولا السمك : جهزت التتبيلة وشيلت ملعقة كبيرة على جنمب وبدأت احشي السمك من برة وجوة ومن الفتاحات اللي عملتها في السمك بالعرض ، بعدين قليته في زيت ساخن ويكون الزيت معدي الذيل كدة ،
- الصلصة : في طاسة حطيت زيت وبعدين نزلت ملعقة التتبيلة شوفتها وضفت الصلصة والماء والماجي وقلبت كله مع بعضه وبعدين ضفت الكزبرة الخضرة ، وبعدين في صينية حطيت في شرايح بطاطس مسلوقة ٣ ارباع سلقة ومتبلة برشة ملح وفلفل ، رصيت السمك وبعدين نزلت عليه الصلصة ودخلته الفرن ١٠ دقائق وبعدين فتحت الشواية ياخذ لون وبس كدة ،
- ثانيا الارز : في حلة حطيت زيت ونزلت البصلة وشوحتها لحد لما تذبل وتأخذ لون ذهبي بسيط ، بعدين نزلت الارز والتوابل وشوحته شوية وبعدين نزلت الماء وسيبه على نار عالية لحد لما يقرب يشرب مايته ؤ قلبته بالشوكة وهديت النار لحد تمام السوي وبس كدة ،
- قدمتهم مع فلفل حار مقلي ومتبل بملح وفلفل وليمون وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد