→ كل الوصفات

سمك بطاطا مشوى

في بلاد تانيه بيتسمى صافي بس باسكندريه بنقولوه عليه بطاطا

  • سمك بطاطا
  • راس ثوم بقشرها
  • بصله مقطعه صغير
  • 2 ليمون
  • قطع صغيرة طماطمايه
  • جزرة مبشورة
  • 2 فلفل اخضر
  • بقدونس
  • كزبرة ناشفه
  • ملح
  • فلقل اسود
  • كمون
  • بهار سمك
  • ملعقه خل
  • ردة (نخاله)
  1. بنجيب الثوم بقشره و فلفل اخضر وكمون وكزبرة ناشفه ملح وفلفل اسود وبهار السمك وندقهم مع بعض وبعدين نحط الجزر المبشور والبصل قطع قطع صغيرة والطماطم قطع صغيرة ونخلطهم مع بعض مع عصير الليمون والخل (بنحتفظ بقشرالليمون هنستعمله)
  2. بنحشي بطن السمك بالخلطه
  3. واللى باقي من الخلطه بنحط عليه نص كوب مايه وقشر الليمون وقشر الثوم ورشه ملح ونغليهم على النار
  4. بنسخن صينيه على النار كويس قوى
  5. وبنغلف السمك بالردة ونبتدى نشوى
  6. بنجيب طبق مغلف بورق الفويل ونطلع عليه السمك ونغطيه كل ما نطلع كميه السمك
  7. وبعد مانخلص شوى كل كميه السمك بنرش عليه المايه المتبله بخلطة السمك وقشر التوم والليمون ونغطيه باحكام بورق لفويل
  8. يقدم مع سلطه خضرا ورز ابيض وسلطة طحينه وبألف هنا
عجبتك الوصفة؟
شوف كل وصفاتنا في مكان واحد
كل الوصفات →