→ كل الوصفات
اختراعي على فكره
المقادير
- كيلو سمك بلطي حجم وسط
- بصلايه
- فلفله
- حبه طماطم
- ملح وفلفل اسود حسب الرغبة
- كزبره
- ليمون
- ثوم مفروم
- ملعقه صغيره بهارات سمك لو متوفره
- جزره
- ربطه شبت
طريقة التحضير
- اولا بنضف السمك كويس جداً واغسله بالليمون والملح واسيبو شويه منقوع
- بجهز الحشو بتاع السمك فلفل على ثوم مفرومين وعليهم فلفل اسود وكزبره وملح
- بحشي السمك وافتح فتحه من ضهر السمكه كده عشان طعم التتبيله يدخل جواها
- بجيب بأه الصينيه وافرد ورقه الومنيوم كبيره فيها بحيث انها تتقفل على السمك وبعدين اقطع بصله طرنشات بفلفل اسود وبعدين احط جزرايه مبشوره مع ربطه شبت مع باقي حشو السمك وارش رشه تحت السمك
- بعد كده ارص السمك وارش عليه بهارات السمك بتاعتي اللي مبستغناش عنها من كارفور على فكره للي عايز يجربها
- وبعدين احط باقي خلطه الجزر والشبت والحشو على السمك من فوق وبجيب قرنين فلفل واقسمهم نصين كده فوق السمك وليمون متقطع كده واحطهم فوق السمك لزوم الحركات بالشكل ده
- وطرنشات طماطم ورشه زيت ذره واقفل عليها الورق الفويل وعلى الفرن على طول وبعد نص ساعة بتستوي مبتاخدش وقت وبعدين بفتح الورقه الفويل عليها واحمر وجهها تحت الشوايه وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد