→ كل الوصفات

سمك بوري سنجاري ، ارز صيادية ، صلصة حارة

اكلة لذيذة وحرشة وليها اكثر من طريقة المرة دي انا عملتها كدة سواء للسمك او الارز 😋#تجهيزات_رمضان

  • كيلو سمك بوري
  • راس ثوم كاملة
  • 2 م ك زيت
  • م ك كمون
  • م ك كسبرة جافة
  • م ك خل
  • 3 طماطم مقطعة مكعبات
  • 3 فلفل رومي مقطع مكعبات
  • مكعبات بصلة مقطعة
  • شرايح ليمون
  • 2 م ك مستردة (اختياري)
  • 3 كوب ارز
  • 2 بصلة كبيرة مقطعة صغير
  • م ك كمون
  • 3 ونص كوب ماء ساخن
  • م ص ثوم مفروم
  • بصلة صغيرة مبشورة
  • كوب ونص صلصلة علي ماء
  • م ص كمون
  • م ص فلفل اسود
  • مكعب ماجي
  • ملح حسب الاحتياج
  1. اولا السمك :انضف السمك وافتحه من ضهره واضعه علي ورق فويل، بعدين في الكبة اضع (الثوم ، زيت ، كمون ، كسبرة ، خل) وافرمهم كويس ، اتبل الخضار بالمستردة وملعقة من تتبيلة الثوم ، بعدين ادهن السمك بتتبيلة الثوم واضع عليه الخضار وشرايح والليمون وادخله الفرن لحد تمام السوي ،،
  2. ثانيا الارز : اشوح البصل في زيت لحد لما بونه يغمق وبعدين انزل الارز وااكمون واشوحه شويه وبعدين انزل بالماء والملح واسيبه علي النار لحد لما يشرب مايته وبعدين اهدي النار لحد تمام السوي ،،
  3. ثالثا الصلصة : اشوح الثوم والبصل والفلفل في زيت وبعدين انزل بالصلة والتوابل واسيبها لحد لما تغلي وتقل شوية وبس كدة بالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →