→ كل الوصفات

سمك بوري سنجاري

طريقة عمل سمك بوري سنجاري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو سمك بوري
  • بصلتيين كبار
  • شبت وبقدونس وكزبرة
  • جزرتين كبار
  • راس ثوم
  • خل
  • ملعقة صغيرة كمون
  • كزبرة ناشفه
  • ملح وفلفل أسود حسب الرغبة
  • ملعقه صغيره بهارات سمك
  • زيت
  • 1/4 كيلو ليمون
  • فلفل اخضر
  • 2 طماطم كبار
  1. هنجيب الاول السمك ننضفه ونغسله كويس جداً وبعد كدا نحطه في خل ونسيبه عقبال مانعمل التتبيله من جوا
  2. هنعم الثوم اوي وبعدها ننزل عليه بالليمون ومعلقتين خل والملح والكمون والكزبرة الناشفه والفلفل الاسود وبهارات السمك بس مش عايزين نخلي الثوم باين فيه اوي
  3. هتغسل السمك من الخل بشويه ملح عشان نضيع اي ريحة زفارة ونسيبه يصفي المياه بتاعته خالص وبعد كدا نحط التتبيله الاولى
  4. هنجيب طبق كبير ونقطع في البصل صغير والطماطم ومعاه البقدونس والكزبرة الخضرا والشبت وعليه الجزر المبشور ونرش بهارتنا كلها تاني ياعني فلفل اسود و ملح وكمون وكزبرة ناشفه ونقطع معاه الفلفل اخضر انا عملته كان حراق شويه وننزل بالليمون ممكن 5 او 6 ليمونات كبار ونقلبهم كويس
  5. هنمسك الخلطه اللي عامله زي السلطة دي وهنكبس بيها السمكايه على التتبيله الاولى لو اتبقي حاجة من الخلطة هنفرشها في الصينيه تحت السمك
  6. بعد مانحط السمك كله هننزل بباقي الليمون معصور على السمك نفسه وشويه متقطعين طرنشات وشويه كمون على كزبرة وهنمشي ازازة الزين على السمك بالعرض من فوق ومن تحت
  7. كدا تبقي جاهزة على الفرن نشغله على 180 مش هنزود عن كدا عشان السمك ياخذ راحته في السوا
  8. هنولع فحم وهنسيبه يحمر خالص وننزل على السمك وهو مستوي خلاص ونحط نقطة زيت على الفحم ونغطيه بحاجة
  9. وكدا تبقي جاهزة على الاكل بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →