→ كل الوصفات

سمك بوري سنجاري

احلى سنجاري هتاكلوه وتحدي 💪👌

  • سمك بوري يفضل يكون كبير العدد حسب الافراد
  • اتنين بصل كبيره مقطعه مكعبات
  • اتنين حبه طماطم متوسطه مقطعه مكعبات
  • اتنين حبه فلفل اخضر مقطع مكعبات
  • معلقتين كبيره زيت ذرة
  • ملح وفلفل اسود حسب الرغبه
  • معلقه كبيره بهارات سمك
  • عصير ليمونه كبيره
  1. في الاول هنفتح السمك من الضهر مش من البطن ونشيل كل اللي جوة وهنشيل الزعانف ونغسل السمك كويس جدا بعدها ونعصر نص ليمونه ورشه ملح ونسيبه يصفي ميته
  2. في طاسه ساخنه نحط الزيت ونحط فيه البصل والفلفل الاخضر ونسيبهم لحد ما تبقي لون البصله شفاف ونحط التوابل والطماطم ونقفل على طول ولو فيه كزبرة خضرة ممكن نحط شويه
  3. نجيب صينيه كبيرة وندهنها كويس زيت ونحط فوقها السمك وممكن تحطوها على ورق قصدير زي ما تحبو
  4. ونحط فوق السمك التتبيله ونعصر باقي الليمون ونغطيه بفويل ونحطه في فرن ساخن جدا لمده ربع ساعه وبعد كدة نشيل الفويل ونهدي النار لحد ما يتحمر الوجه وبالهنا والشفا 😍💟
عجبتك الوصفة؟
شوف كل وصفاتنا في مكان واحد
كل الوصفات →