→ كل الوصفات
طريقة عمل سمك بوري مشوي بالرده في الفرن سهل اووووي ولذيذ 😋😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ك سمك بوري
- راس ثوم مهروس
- بصله كبيره
- 2 طماطم كبيره
- كوب كزبره خضره مقطعة صغيرة
- فلفل اخضر مقطع صغير
- وفلفل اخضر حار اختياري
- ملح
- كمون
- كزبره ناشفه
- بابريكا حار أو بارده ملعقة صغيرة من كل نوع
- معلقه كبيره بهار سمك
- رده لشوي
طريقة التحضير
- ننضف السمك لشوي بنفتح بطنه ونغسله كويس وفيه ناس بتحبه مقفول زاي مابتحبوه نجهز الثوم والملح والفلفل والكمون ومعجون فلفل احمر وبهار السمك ومعلقه الخل وليمونه ونقلبهم كويس نحط على السمك من التدبيله الجميلة اوووي ديه 😍 لمده نص ساعة قبل الشوي
- نجهز الخلطه اللذيذة اوووووي نقطع الطماطم والفلفل والبصل والكزبره والفلفل الأخضر الحار والبارد ونحط عليها من التدبيله الا عملناها فوق ☝️نحشي بقى السمك من الخلطه الجميلة ديه ونجهز الصينيه الا هانشوي فيها ونولع الفرن على نار عاليه وخطوه مهمه نسخن الصينيه الا هانشوي فيها قبل الشوي وندهنها زيت بالفرشه ونحط الرده على السمك
- ندخل السمك فرن عالي لمده ٧ دقائق وبعدين نهدي نار وسط بس مش اوووي وولعي الشوايه تحت على الصاجه ونقلب بعد عشر دقائق أو حسب فرنك لما تحسي السمك اخد لون حلو نقلب الوجه الثاني ونطلع السمك لما يستوي من الجهتين تقريبا من 20 الى 25 دقيقه لو سمكه كبيره وحلوه
- نكون مجهزين من خليط الطماطم والفلفل والكزبره والبصل الا عملناه شويه في مياه ساخنه وننزل بيهم على السمك اول مايطلع من الفرن ونلف السمك كويس بكيس حفظ الطعام لمده ساعة وكلي بقى بالف هنا احلى سمك مشوي 😋😋😋🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد