→ كل الوصفات

سمك بوري مقلي

طبعا الصياديه ف مكان تاني و خاصه لما تكون معموله بالسمك البوري 🫶🏻 جربوها #ع_طريقتي و لا احلي

  • 2 كيلو سمكه بوري
  • 1 ربطه بقدونس اخضر
  • 1/2 راس توم
  • 3 فلفل حامي
  • 1/4 كوب عصير ليمون
  • ملح
  • كمون
  • كسبره ناشفه
  • كيلو رز مصري
  • بصله كبيره
  • 2 حبه طماطم كبيره
  • ملح
  • قرفه
  • 1 فلفل حامي
  • 2 م ك زيت
  1. ف الكبه هانحط التوم و الفلفل الحامي و البقدونس و عصير اللمون و نخفقهم كويس هانضيف عليهم ملح و كمون و كسبره ناشفه و نقلبهم و نبدا ناخد شرايح السمك دا طبعا بعد ما نضفناه كويس و نتبلها و نخليها ف الخلطه دي ع الاقل ساعه عشان الطعم ياخد ف السمك 👌بعدين نجهز الزيت يكون سخن نغطي السمك بالدقيق و ع طول نقليه و اول ما يطلع من الزين نعصر عليه لمون و نقدمو مع الرز و السلطه
  2. الرز بقي ف حله ع النار هانقطع البصله وسط و ننزل بيها ع الزيت السخن نخليها لحد ما تاخد اللون البني الغامق و بعدين ننزل بالطماطم اللي متقطعه بشكل عشوائي و نقلبهم كويس لحد ما تدبل ننزل عليه بالقرفه الناعمه و كوبيه ميا سخنه نخليهم ياخدو غلوه و بعدين نخفقهم ناعم بالخلاط و بعدين ننزل بكميه الرز اللي معنا و نقلبهم و نضيف الميه المغليه و الملح و الفلفل الحامي الصحيح و نغطي عليه لحد ما يتشرب و بعدين نوطي النار خالص لحد ما يستوي و نقدمو مع السمك و السلطه و الطعم ف حته تانيه طبعا 👌🫶🏻
عجبتك الوصفة؟
شوف كل وصفاتنا في مكان واحد
كل الوصفات →