→ كل الوصفات
سمك بياض مدحرج مع الارز الصيادية 👌 ولا أروع بخلطة خفيفة وجميلة بالف هنا على قلبكم ❤️🌷#اكل_اسكندراني #اكلة_سمك
المقادير
- 6 سمكات بياض حج وسط
- 5 فصوص ثوم مفروم
- ملعقة صغيرة فلفل اسود
- ملعقتين كبيرة عصير ليمون
- ملعقة صغيرة ملح
- ملعقة صغيرة كمون
- خلطة السمك
- 3 حبات جزر مبشور
- 3 حبات طماطم كبيرة
- 3 حبات بصل كبيرة
- كوب كزبرة خضراء مفرومة
- كوب بقدونس مفروم
- 1/2 كوب شبت
- الارز الصيادية
- 4 أكواب ارز مصري
- ملعقة كبيرة زبدة
- ملعقة كبيرة زيت عباد الشمس
- 3 حبات بصل كبيرة
- حبة جزر مبشور
- حبة طماطم كبيرة + ملعقة صلصة كبيرة
- ملعقة صغيرة كركم
- ملعقة صغيرة كمون
- ملعقة صغيرة بابريكا
- ملعقة صغيرة توابل
طريقة التحضير
- نقوم بتنظيف السمك وفتح بطنة وحشوة بالتتبيلة جيدا
- نحضر الارز فى اناء نضع الزبدة ثم عليها الزيت ثم البصل ونقلبة لاحد لما تحمر البصلة جدا وتوصل للون البني الغامق بعد كده نضيف الطماطم ثم البهارات والملح ونقلب كويس جدا لاحد لما تدوب الطماطم مع البصلة ثم نضع الماء بمقدار كل كوب ارز عليه كوب ماء اول لما تغلي الماء نضيف الارز ثم بعد لما الماء تتشرب نضع الجزر المبشور ونهدي النار على الارز حتى التسوية الكاملة
- بعد كده نحضر السمك نضع مقلاية تيفال أو جريل ونضع ملعقة زيت زيتون خفيفة نمسح بيها المقلاة لأن السمك البياض بيحتوي على دهون عالية جدا بيبقى مش محتاج لزيت للتسوية نقوم بوضع الخلطة داخل السمك ونقوم بربطة بخيط لنحكم غلق بطن السمك على الحشو جيدا بعد كده نحط السمك فى المقلاة للتسوية والتقليب على الوجهين ثم نتركة على نار هادئة للتسوية ويقدم مع الارز وبالف هنا ❤️🌷
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد