→ كل الوصفات

سمك دنيس مقلي اسكندراني بتكاته 😉❤

#وصفات_بالاصفر 💛😍 #الدنيس_يعني_ريحه_البحر_وجماله ❤💪

  • 1 كيلو سمك دنيس
  • مقدار من الملح والخل لتنضيف السمك
  • 15 فص ثوم مهروسين
  • 2 فلفل كوبي و1 قرن فلفل حامي اختياري مهروسين
  • رشه شطه وممكن نكتفي بالفلفل الحامي
  • 2 معلقه كبيره كمون ناعم
  • 1 معلقه كبيره كزبره ناعمه
  • معلقه صغيره ملح ونظبطه باننا ندوق
  • 3 عصير ليمون وممكن نزود
  • 1 معلقه خل
  • 1 كوب دقيق وممكن نزود لو احتاج
  • 2 معلقه كبيره نشا لزوم القرمشه 😉تكه
  • 1 معلقه كبيره بيكنج بودر 😉 تكه
  • زيت غزير للقلي
  1. ننضف السمك من القشر ونفتح البطن وننضفها وناخد بالنا لو فيه بطروخ مانرمهوش ونشيل الزعانف ونقص جزء من الخياشيم ونغسله كويس جداً بالماء ونعمل محلول ماء بالملح والخل وننقع السمك فيها 10 دقائق بس ونغسله كويس بالماء ونسيبه يتصفي
  2. نعمل الخلطه اللي هنتبله فيها ساعة ونحشي منها في خياشيم السمكه بطنها لما نقليها وهي نخلط الثوم المهروس بالكمون والكزبره والشطه والفل الكوبي المهروس والليمون والخل والملح وندوق الخلطه علشان ماتحدقش مننا قبل مانحط السمك 👌💪 نضيف فيها السمك ونسيبه ساعة قبل القلي
  3. وبعد كده نجهز خليط الدقيق بالنشا والبيكنج بودر وممكن نزود ملعقة صغيرة كمون ناعم بتبقي حلوه😉 ونغلف السمك بخليط الدقيق وننفضه خفيف كده من الدقيق علشان ينزل الزياده منه ونقليه وبالهنا ❤
عجبتك الوصفة؟
شوف كل وصفاتنا في مكان واحد
كل الوصفات →