→ كل الوصفات
تابعوني فيه المزيد و المزيد من الوصفات باذن الله
المقادير
- كمية سمك لادوراد (العدد حسب افراد العائلة)
- 2 حبات بصل
- 2 حبات طماطم
- اوراق زعيترة
- للدرسة
- سنينات ثوم
- شوية معدنوس
- م ص من التوابل
- ملح وفلفل اسود
- كمون
- عكري (فلفل احمر)
- زيت
- ليمون
- اضافات للتقديم
- ارز
- كمية بطاطا حسب الرغبة
طريقة التحضير
- نغسل و ننقي مليح السمكات نشكل خطوط فوق ظهرها بسكين نتبلها بالدرسة لي هي سنينات ثوم نرابيها + معدنوس مقطع + التوابل لي ذكرتهم في المكونات 4 ملاعق زيت و عصرة حبة ليمون نخلط كل هذه المكونات و نتبل بها السمكات نحشيها بها من داخل و ندهنها بها من برا و نحاول ندخلها ببن الشقوق او الخطوط لي قطعناهم من فوق بسكين و خليها تتشرب لحين نجي نطيبها
- نقطع البصل شرائح نفرشها في صينية مدهونة ثم نحط على شرائح البصل السمكات
- و نزيد فوق السمكات شرائح طماطم و اوراق زعيترة شرائح ليمون و ندخلها للفرن تطيب
- نقدمها مع الأرز او شرائح بطاط مقلية اختياري
- لي تحب تحتفظ بالوصفة في صورة هاهي دايما نحط وصفاتي في صور مكتوبة نسهل عليكم تحتفظو بها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد