→ كل الوصفات

سمك سنجارى ماكريل على البتوجاز بدل الفرن مع ارز بالجزر والبصل

الوصفه بديل لفرن البتوجاز وتتعمل على عين البتوجاز

  • 2 سمك كبير / صينيه
  • 1/2 ك ارز
  • 3 م ك زيت
  • 4 حبات طماطم وسط مع جزرة كبيرة
  • 5 فلفل رومي
  • 3 بصلة متوسطه
  • 4 حبات بطاطس وسط
  • ملح وفلفل اسود وكمون وكزبرة ناشفه و بهارات سمك وليمون
  • فنجان زيت مع خمس أو ست فصوص ثوم
  1. نجيب السمك ونضفه ونغسله كويس بملح ودقيق ونشيل الرأس ونفتحه فتحات
  2. نقطع كل من البصل والطماطم والفلفل على جوليان استخدمت اتنين بصلة فقط
  3. ونرص بالصينيه البصل والفلفل والطماطم بس هنشيل منها نص طمطماية ونحط جزء من الجزر المبشور والبطاطس البطاطس يتم تقطيعها إلى شرائح سميكه ونبشر الجزرة وناخد جزء منها لان الباقى هنضيفه لحاجات تانيه ونضيف ملح وفلفل اسود و بهارات سمك ونقلبهم فى بعض
  4. نعمل تتبيلة السمك حطيت الثوم وجزء من الجزر المبشور مع الطماطم و الفلفل رومي او حامي اضافى اختيارى وملح وكمون و بهارات سمك كل ده رشة منه مع عدا الملح يتظبط حيائه وليمونه نعصرها ونحطها فى السمك المفتوح ونحشيه
  5. ونضيفه على صينيه الخضار ونرصه ونحط الزيت ونحط رشة من بهارات السمك وعلى البتوجاز ونغطي الصينيه من فوق عشر دقائق على نار عاليه وبعدين نهدي النار يستوى مش هياخد تلت ساعه ولما يستوى نجرب بشوكه نشوفه استوى ولا لسه ندخله تحت الشوايا تتشمع وبألف هنا
  6. نغسل الارز ونصفيه ونجيب حلة ناخد البصلة المتبقيه ونقطعها صغير ونضيف الزيت ونقلبهم تدبل معانا ونضيف بقيت الجزرة المبشورة ونقلب دقائق ونضيف الارز مع الجزر والبصل هياخد لون شويا ويتفلفل ونضيف الملح عليهم ونحطله ميه عاديه بارده من الحنفيه نغطي الارز بأتنين سنتيمتر كده ولما يتشرب ننقله على نار هاديه وبعد عشر دقائق نقلبه ونسويه لحين السوى
  7. هنا بقى حضرتهم بعد سواهم
عجبتك الوصفة؟
شوف كل وصفاتنا في مكان واحد
كل الوصفات →