→ كل الوصفات

سمك سنجاري وكابوريا مشويه

#ع_طريقتي #ولا_احلا 😍 #سر_الطبخة

  • سمك بوري
  • كابوريا 🦀
  • رز مصري
  • زيت
  • خل
  • و ثوم
  • ملح
  • و فلفل اسود
  • و كمون
  • بصله كبيره مفرومه
  • جزره مفرومه
  • طماطمه مقطعة صغير
  • ثوم
  • وفلفل حار
  • كزبرة ناشفه
  • ليمون
  • 2 هيل
  • 2 مستكه
  1. هانغسل السمك ونضفو ونفتحو بالطول.. هانرش عليه ملح وليمون ونخليه على جمب عبال ما نحط في الكبه البصله والجزره وفلفل حامي وفصين ثوم وملح وكمون وكزبره ناشفه وفلفل اسود و معلقتين خل ونضربهم بالخلاط وانزلهم على السمك ونفردو كلو ونحط عليه قطع الطماطم و شرايح الليمون واسيبهم ساعة او ٢ عشان تأخذ فيه التتبيله وبعد كدا تدخليه الفرن وتشويه
  2. الكابوريا هانغسلها وصفيها و في الهون هانحط فلفل حار وفصين ثوم وندقهم ناعم هانجيب صينيه ونفرد فيها الفويل ونحط الكابوريا بعد ما تبلنها بالثوم والفلفل وهانحط معها طماطمه حتت صغيرة وفلفل رومي ورشه ملح وكمون وفلفل اسود وندخلها الفرن لحد ما يتغير لونها
  3. الرز بقى.. هانزل في الزيت ٢ مستكه و٢ هيل ونقلبهم في الزيت لحد لما ريحتهم تتطلع واقوم منزله الرز عليهم ونقلبهم ونحط الملح والماء ونسيبو لحد ما يستوي
  4. #سر_الطبخة الهيل والمستكه بيخلو طعم الرز جميل دا غير ريحتو طبعااا
  5. للدقه هاحتاج فلفل حار و ثوم وخل وليمون.. هاندق الفلفل والثوم وعليهم ملح وبعدها نعصر عليهم ليمون كتير و نحط الخل بقى حسب الرغبه.. وبالهنا والشفا ✌️
عجبتك الوصفة؟
شوف كل وصفاتنا في مكان واحد
كل الوصفات →