→ كل الوصفات
🌼(لا إله إلا الله وحده لا شريك له له الملك وله الحمد وهو على كل شي قدير) 🌼 الوصفة دي جميييلة جدا و شهية اوي وتنفع باي نوع سمك انا عملتها بسمك كوشر جزل وكانت خيالية في الطعم والريحة.. السمك الكوشر سمك بحر احمر وهو سمك دسم وبيتميز بكدة.. فجربتة سنجاري بدل القلي والحقيقة مندمتش خالص بالعكس السمك طلع خرافي في طعمة بالخلطة بتاعتة.. جربوها في اي نوع سمك تحبوة وقدموة لاسرتكم وعيلتكم وبالف هنا
المقادير
- 2 كيلو سمك بوري او بلطي او وقار او لوط او جزل
- 2:3 م ك خلطة التوم او اكتر حسب الكمية هنزل طريقتها
- مايونيز
- خلطة السنجاري 👇
- 3 طماطم مكعبات
- 3 فلفل رومي مكعبات
- قرن فلفل حار مفروم
- 3 جزرة مبشورة
- 2 بصلة كبيرة جوليان
- بقدونس.. كسبرة.. كرفس او شبت مفرومين
- 2 م ك زيت
- 1 م ك خل
- عصير 2 ليمونة
- 2:1 م ك خلطة التوم المميزة للأسماك حسب الكمية المستخدمة
- البهارات المستخدمة في التتبيلة 👇
- 1/2 (1 م ص) كسبرة ناشفة
- 1/2 م ص كمون
- 1/2 م ص فلفل اسمر
- 1/2 م ص كاري
- 1/2 م ص شطة
- 1/2 م ص سكر
- رشة ملح لو احتاجنا
طريقة التحضير
- بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
- نغسل السمك كويس جدا ونخلية يتصفي كويس مش عايزين يبقى فية ماية عشان يتشرب الخلطة كويس
- ندهنة بخلطة التوم المميزة بطريقتي او بخلطة التوم اللي تحبوها ومعتمدينها في تتبيلة السمك
- نتركة في التتبيلة ساعتين تلاتة وفي الوقت دة نحضر الحشوة كالتالي 👇
- في بولة هنقلب كل الخضار مع بعض ونضيف لية معلقة او اتنين من خلطة التوم و البهارات الخاصة بالتتبيلة اللي ذكرتها فوق والزيت والخل والليمون و نظبط ملحها
- بعد مرور ساعتين مثلا نجهز الصينية و نشغل الفرن على أعلى حرارة عندنا نفرش الصينية بورق فويل ثم ورق ذبدة وندهنة بالزيت عشان ميلزقش مني السمك او نعملها في صينية تيفال او جرانيت او سيراميك نرص السمك وندهن لحمة بالمايونيز ثم نضع الخلطة بتاعة الخضار فوقية
- ندخلة الفرن على الرف الأقرب للارضية على أعلى درجة حرارة لمدة ٢٠ دقيقة ثم نرفعة للرف الوسط ١٠ دقايق كمان و نوطي الحرارة على ٢٢٠ او ٢٠٠ حسب حرارة الفرن وبعدها نشوف استوى ولا لسة لو استوى والوش اتحمر شوية يبقى تمام نخرجة ويقدم بالف هنا لو لسة الوش محمرش نحطة تحت الشواية ٥ دقايق ونراقبة ويقدم 🌹 جربوة بطريقتي يارب يعجبكم 🌹 😍
- أخيرا اللهم أغفر لجدتي وارحمها واسكنها فسيح جناتك يارب العالمين 🤲 ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد