→ كل الوصفات
احلى واطعم وصفه 😍
المقادير
- 2 سمك بوري
- بصله متوسطه مبشوره
- 2 طماطم متوسطه مبشوره
- كزبره خضرا او بقدونس
- 1 فلفل اخضر متقطع مكعبات صغيره
- 2 ليمونه
- 8 فصوص توم مدقوق
- 0.5 معلقه كبيره كمون
- 0.5 معلقه كبيره كزبره ناشفه
- ملح حسب الكميه اللي تحبيها
- كاتشب وشطه(اختياري)
- معلقه كبيره خل
- زيت
طريقة التحضير
- اول حاجه هنفتح السمكه من الضهر ونشيل الراس ونغسل السمك كويس بليمون وخل وملح
- التوم والكزبره الناشفه وليمونه ومعلقه الخل والملح ونقلبهم كويس مع بعض وندهن لحم السمك كويس بالخلطه دي بس نشيل شويه صغيرين على جنب من الخلطه
- هنجيب الطماطم والفلفل والبصل والكزبره الخضرا ونعصر عليهم ليمونه ونقلبهم كويس مع بعض ومعاهم شويه من الخلطه اللي دهنا بيها لحم السمك ونملح على حسب المذاق
- اخر حاجه هندهن صينيه زيت ونرص السمك ونحط الكاتشب والشطه ولو اتبقي منك خلطه حطيها جنب السمك في الصينيه هتستوي وتبقي جميله 😍.. بتاخد تلت ساعه في الفرن وتطلعيها.. وبالف هنا 🌹
- ملحوظه.. الكاتشب بيدي تيست جميل اوي مع السمك 😍🙈
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد