→ كل الوصفات
بوري سنجااري مشطشط ومزز وفظيييييع 😋😋
المقادير
- 3 سمكات بوري
- 6 فصوص ثوم مهروس كبار
- 8 حبات ليمون كبير
- 1 بصلة متوسطة
- 1 فلفل حار (حسب الرغبة)
- 1 فلفل الوان احمر
- 1 حبة طماطم
- 1 جزرة مبشورة
- 2 بطاطس شرائح متوسطة السمك
- مسطردة
- التوابل
- ملح
- فلفل اسمر
- كمون
- كزبرة ناشفة
طريقة التحضير
- نغسل السمك بالماء ونصفيه جيدا
- نحضر ٢ ليمون وندعك السمك كله بيهم ونعصرهم عليه علشان يضيع الزفارة
- نفتح السمك ونرش عليه من جوة رشة ملح وفلفل اسمر ونوزعهم على لحم السمك كله
- نعمل التتبيلة : 4 عصير ليمون كبير ونص ملعقة كمون و شوية كزبرة ناشفة ومعلقة ملح و رشة فلفل اسمر ومعلقة مسطردة كبيرة ونقلبهم كويس ونسقي السمك بالتتبيلة ونسيبه ساعتين متتبل مش هيجراله حاجة
- نجيب طاسة على نار هادية جدا ومعلقة زيت ونشوح بصلة مقطعة رفيعة جدا وفص ثوم مهروس يدبلوا وبعدين ننزل بالجزرة المبشورة ودقيقة وننزل بشرايح الفلفل الحار والالوان واخر حاجة الطماطم المقطعة صغيراً ونحط شوية ملح وفلفل اسمر ونطفي على الخضار لما يبقي نصف سوا
- نجيب صينية وندهنها زيت ونحط ورقة فويل وعليها رشة زيت ونرص شرايح البطاطس ونرش عليها رشة ملح وفلفل اسمر ونرص فوقيهم السمك ونحط عليهم عودين كزبرة خضرة وشبت متقطعين صغير ونرص فوقيهم شرايح طماطم ونحط عليهم شوية زيت درة وندخلهم الفرن نص ساعة
- ويقدم مع سلطة خضرة وعيش او ارز حسب الرغبة 😉 وبالف هنااااا بقي 😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد