→ كل الوصفات

سمك فيليه بلطي مشوي بالفرن مع الخضروات

وصفة جميلة وسريعة وخفيفة لعمل الفيليه وصحية كتير عن القلي في الزيت 😍

  • 0.5 كيلو سمك فيليه بلطي "او قشر بياض"
  • ملعقة صغيرة مليانه ملح
  • رشة فلفل اسود
  • رشة قرفة
  • 0.5 ملعقة صغيرة بابريكا
  • 0.5 ملعقة صغيرة كزبرة ناشفه
  • 0.5 ملعقة صغيرة بهارات سمك
  • 0.5 ملعقة صغيرة كمون
  • عصير نصف ليمونة
  • معلقة كبيرة زيت طعام
  • طماطم
  • بطاطس
  • فلفل اخضر
  • جزر حلقات "الكمية حسب الرغبة"
  • 3 فصوص ثوم
  1. بنجيب الكبة نحط فيها التوابل كلها والملح و حبة طماطم واحدة وحبة فلفل اخضر واحدة وجزر مبشور والزيت والليمون وفصوص الثوم ونضربهم في الكبة كويس جداً دي هتبقي خلطة التتبيلة طعمها بيبقي حلو جداً
  2. بنحط خلطة التتبيلة دي جزء على السمك وجزء على حلقات البطاطس والطماطم والفلفل الاخضر ونقلبهم كويس ونجيب الصينية نرص حلقات البطاطس والطماطم والفلفل تحت وفوقهم نرص شرائح السمك الفيليه ونغطي وجه السمك بالتتبيله كويس
  3. ندخله الفرن على درجة حرارة 200 بياخد حوالي ساعة الا ربع على ما ندوق البطاطس نلاقيها استوت كويس وبعدين نشغل الشواية عشان وجه السمك يتحمر ويأخذ لون جميل، عملت جنبها سلطة طحينة بالزبادي و أرز اصفر بالكركم، وبألف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →