→ كل الوصفات

سمك فيليه مقلي وشوربة سي فود بالكريمة ❤️❤️❤️

طريقة عمل سمك فيليه مقلي وشوربة سي فود بالكريمة ❤️❤️❤️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • السمك
  • قطع سمك فيليه
  • حبة ثوم مفروم
  • عصير ليمون
  • ملح وفلفل حسب الرغبة
  • ملعقة كمون
  • دقيق لتغطية السمك
  • زيت للقلي
  • شوربة السي فود
  • طبق سي فود مجمد
  • بصلاية مبشورة
  • جزرة
  • رشة بهارات
  • رشة توم بودرة وبصل بودرة
  • رشه ملح
  • رشه فلفل
  • معلقتين دقيق
  • مكعبين زبدة
  1. نتبل السمك اول حاجة هنحتاج العصي الليمون مع حبه ثوم مفروم مع فلفل وملح وكمون وانتي بتوازني كمية التتبيلة حسب كمية قطع السمك الفيليه ونتركه في التتبيلة مده ساعة مثلا
  2. بنغطي بقا السمك بعد ما نطلعه من التتبيلة ب كوڤر الدقيق ويقلي في زيت غزير علي درجة حرارة متوسطة لحد ما ياخد لون دهبي وبعدين بيطلع ويتصفي من الزيت كويس
  3. شوربة السي فود بقا كان عندي كابوريا نضفتها انو بنشيل الجزء اللي في البطن وغسلتها ونقعتها في ملح وخل وقطعتها مكعبات
  4. بنجهز بقا الشوربة وهي بناخد الجمبري بقشرة ونسلقة مع بصلاية مبشورة وجزرة
  5. بعدين بندي صدمة للكابوريا في الزبده لحد ما لونها يبقي برتقالي كده وبعدين بنضيفها علي الشوربة
  6. نستني ربع ساعة وبعدين نطلع الجمبري والكابوريا ونصفي الشورية كويس
  7. بندي صدمة لسمك الفيلية المتقطع مكعبات مع الكاليماري او السبيط في شوية زبدة عالنار
  8. في الشورية اللي انا صفيتها كويس هاخد نص الكمية واضيفلها نص الكمية التاني لبن بعدين بضيف معلقتين الدقيق ورشه ملح ورشه فلفل ورشة بهارات ورشة توم بودر وبصل بودرة بننزل بقا بباقي السي فود دقيقتين بيكون استوي
  9. ننزل بالكابوريا والجمبري ونقلب بسيط واخر حاجة نضيفها صوابع الكابوريا ونطفي النار
  10. بيتقدم بقا شوربة السي فود كطبق جانبي مع سمك ورز صيادية وسلطة وبألف هنا وشفا❤️
عجبتك الوصفة؟
شوف كل وصفاتنا في مكان واحد
كل الوصفات →