→ كل الوصفات

سمك في الفرن

#الشيف_الذهبي زهقنا من السمك المقلى والمشوى العادي فحبيت أغيّر وبطريقة سهله عملت طبقين واحد في الفرن والتانى عادي

  • كيلو سمك بلطي
  • زيت للقلي
  • تتبيلة السمك
  • 2 حبات بصل
  • 3 حبات فلفل أخضر كبير
  • فلفل طويل مشطشط حسب الرغبة
  • 3 ثمرات طماطم
  • م ص بابريكا
  • م ص كزبرة ناشفة
  • م ص كمون
  • ملح حسب الرغبة
  • شرائح ليمون
  • عصير طماطم
  • ½ كيلو رز
  • مياه مغلية
  1. بعد م تتبلى اقليه في الزيت على نار هادية علشان ميتحرقش منك
  2. تقطعى البصل والفلفل الاخضر والطماطم شرايح
  3. تحمرى البصل في شوية زيت وتحطيله ملعقة صغيرة ملح لحد ما يذبل و بعدين تضيفى الفلفل وتفضلى تحمرى فيهم لحد م يدوكى لون ذهبي كده متخليهاش تحمر جامد
  4. ضيفي شرايح الطماطم والبابريكا والكزبرة والكمون لحد م الطماطم تتقلى شوية
  5. خدى شوية من الخلطه دى في طبق على جنب وسيبى الباقى على النار وضيفى ليها عصير الطماطم وسيبيه يتسبك شوية
  6. طبق السمك اللي مش هتحطيه في الفرن حطى عليه الخلطه اللي خدتيها في الطبق فوق وقطعى شرايح ليمون للزينه
  7. باقي السمك رصيه في صينيه وضيفى عليه الخلطه بعصير الطماطم فوق بعد ما تتسبك وتحطيه تحت الشواية ياخذ وجه وريحة الفرن وبعدين تطلعيه
  8. في نفس الحلة اللي عملتى فيها الخلطه مفروض يتبقى منهاشوية. تكونى غاسلة الرز وتحطيه على الخلطه وتقلبى فيه لحد م يبقى كل الرز لونه احمر
  9. ضيفي المياه المغلية والملح حسب الرغبة وغطى الحلة حتى يستوي وبألف هنا 😘🧡
عجبتك الوصفة؟
شوف كل وصفاتنا في مكان واحد
كل الوصفات →