→ كل الوصفات
لتسهيل عملية تنضيف السمك من الحراشف ناخد غطاء قارورة ماء وننزع بيه يكون افضل من السكين
المقادير
- 2 سمك البوري حجم كبير
- 4 حبات بطاطا متوسطة الحجم
- بالنسبة لتتبيلة السمك
- ملعقة صغيرة راس الحانوت
- شابلوغ
- 2 ملاعق كبار فرينة
- ملعقة صغيرة كمون
- ملح حسب الدوق
- ملعقة صغيرة فلفل أحمر
- ملعقة صغيرة فلفل اسود
- معدنوس
- ثوم حسب الرغبة
- 4 معالق زيت
- ملعقة صغيرة خل ابيض او ليمون
طريقة التحضير
- نضف السمك وننزع الزوائد والحراشف وندير خطوط بالسكين حتي يتبل مليح ويدخله الطياب وفي إناء نحط الشابلوغ و2ملاعق فرينة ونرمده مليح ونقليه نصف طياب ونخليه جانبا
- نقطع البطاطا الي دوائر ونقليها ونحطها على ورق ماص
- نحضر التتبيلة نحط الزيت والتوابل المدكورة ونخلطها مليح ثم ناخد مقلات نحط ملعقة كبيرة طماطم مصبرة ونقليها مليح ونضيف لها الثوم ونحط خليط التتبيلة ونضيف قليل من الماء حتى تختار ونضيفلها المعدنوس
- في صينية الفرن نحط عليها ورق الطهي ونرسي حبات البطاطا المقلية ثم نحط السمك ونفرغ التتبيلة فوق السمك نغلفها بورق الطهي والالمنيم ونخليها تكمل الطياب
- بالصحة والهنا شهية طيبة للجميع
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد