→ كل الوصفات

سمك قراميط

اكله معروفه

  • 2 كيلو سمك, قراميط, متقطع
  • 1/4 كيلو دقيق
  • نص كوب خل
  • التتبيله
  • 2 ليمون, اختياري
  • 10 فصوص توم, مفروم
  • ملح
  • 2 فلفل, اخضر, مفروم
  • بهارات سمك
  • 3 كوب زيت, للقلي
  1. الاول هاننقع السمك في نص كوب خل
  2. نجهز التتبيله, التوم على الفلفل ومعلقه ملح والبهارات ويتفرمو سوا
  3. هانتبل بيهم السمك ونسيبه تاني في قلب الخل لمده ساعه او اتنين. وممكن نعصر ليمونتين عليهم (اختياري)
  4. هانقدح الزيت كويس جدا على النار
  5. وعلشان يبقى مقرمش وكريسبي هانعمل الاتي: هانغطي القطعه بالدقيق من كل الجوانب
  6. ونحطها في ميه بسرعه وتتشال وتتغطي تاني بالدقيق (طريقه شيف علاء الشربيني)
  7. هاننزل بيه في الزيت ونسيبه على كل جنب, لحد ما يستوي ويقرمش
  8. ونبدا نقلب على الجنب التاني
  9. في قطع بتبقي ليها اربع اتجاهات, هانسويها على الاربعه
  10. هياخذ وقت شويه, بس علشان نضمن انه مستوي كويس, خصوصا لو حجم القرموط كبير
  11. هايطلع ويتحط على مناديل تصفي الزيت الزياده
  12. بيتقدم مع رز وسلطه
  13. وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →