→ كل الوصفات
لو عايزة تشوفي الوصفة خطوة خطوة..
المقادير
- كيلو سمك فيليه
- للتتبيل
- ملح
- فلفل اسود
- 2 ملعقة كبيرة زبادي
- 2 ملعقة كبيرة ليمون
- 2 ملعقة صغيرة بابريكا
- 2 ملعقة صغيرة كركم
- 2 ملعقة صغيرة كاري
- 2 ملعقة صغيرة زنجبيل
- 2 ملعقة صغيرة بهارات جارام ماسالا
- 2 فص ثوم مهروس
- للصوص
- زيت
- بصلة مبشورة
- 2 فص ثوم مهروس
- 2 ملعقة صغيرة زنجبيل
- 2 ملعقة صغيرة بابريكا
- 2 ملعقة صغيرة كركم
- 1.5 ملعقة صغيرة كاري
- 2 طماطم مبشورة
- ملعقة كبيرة صلصة طماطم
- 3 ملاعق كبيرة دقيق
- كوب إلا ربع لبن
- كوب ماء
طريقة التحضير
- علشان نتبل السمك.. هنحطه في بولة كبيرة ونضيف الملح والفلفل الأسود والبابريكا والكاري والكركم والزنجبيل والليمون والزبادي والماسالا والثوم
- هنقلب لحد ما التتبيلة تغطي السمك تماما
- هنسيبه في الثلاجة ساعة
- بعد كدة هنرصه في صينية مدهونة بالزيت ونشويه في الفرن 15:20 دقيقة او لحد ما يحمر
- هنشوح البصل في الزيت السخن لحد ما يذبل
- هنضيف الثوم ونقلبه لحد ما يصفر
- بعد كدة هنضيف الزنجبيل ونقلب كويس
- هنحط الطماطم والصلصة ونخلطهم
- هنحط الكاري والكركم والبابريكا
- هنضيف الدقيق ونقلب لحد ما يختفي
- هنحط اللبن والماء ونخلطهم كويس لحد ما تختفي اي كتل للدقيق
- هنسيب الصوص يتسبك
- بعد كدة هنحط السمك ونغطيه كويس بالصوص
- هنسيبه على النار 10 دقائق.. و رشة كزبرة خضرا على السمك وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد