→ كل الوصفات

سمك ماكريل 🐟 سنجاري 😋😍

سمك الماكريل فوائد رهيبة وعديدة مع الوصفة السنجاري المشطشطة تدفي في جو الشتا البارد ❄️ 😉 #اكل_اسكندراني #اكلة_سمك

  • 3 سمكات ماكريل متوسطة الحجم
  • 2 حبات بصل كبيرة
  • 2 حبات فلفل رومي الوان
  • 2 حبات فلفل اخضر حامي (حار)
  • 3 حبات جزر وسط
  • كرفس
  • كزبرة خضراء
  • ملعقة صغيرة ملح
  • ملعقة صغيرة كمون
  • ملعقة صغيرة كاري
  • ملعقة صغيرة بهارات سمك
  • رأسين ثوم فصوص
  • 1/4 كوب خل
  • 1/4 كوب عصير ليمون
  • ملعقة صغيرة شطة
  • ملعقة صغيرة مستردة (خردل) لكل سمكة
  • 1/4 كوب زيت زيتون
  • حبة طماطم
  • شبت
  1. نغسل السمك ونقوم بتنظيفة جيداً
  2. بعد ما ننظف السمك نقوم بفتحه من الخلف وندهنه زيت زيتون من الظهر والبطن ونحطة في ورق فويل ونقفل عليه الورق من الجنب شبه القارب وندهن البطن بملح وكمون ومستردة (خردل) وندخله الفرن، بس نشغل الشواية فقط عليه للتشميع علشان الماء تنزل منه وريحة الزفارة تضيع منه
  3. نجهز خلطة السنجاري من البصل والفلفل الحامي والفلفل الوان والجزر يتقطعوا قطع صغيرة والكرفس والكزبرة، نحط كل ده في طاسة فيها زيت زيتون ونشوح الخلطة ونضيف عليها كمون والملح والكاري وبهارات السمك لحد لما تتشوح ونرفعها من على النار
  4. نطلع السمك بعد التشميع ونحط عليه خلطة السنجاري وندخله بس المرة ديه نشغل الفرن ونقفل الشواية ونسيبه على نار هادئة للتسوية
  5. نجهز دقة السمك من بصل وثوم وفلفل حامي وطماطم وشطة وخل وعصير ليمون وكمون وملح وكاري وبهارات السمك وشوية مياه كل ده نخلطه في الخلاط ونجهزه للسمك
  6. نطلع السمك بعد ما يكون استوى ونحط عليه دقة السمك وندخله ثاني لحد لما المياه اللي فيه تنشف ويستوى كويس
  7. نطلعه ونحط عليه شبت وشرائح ليمون للزينة ويقدم بجانب طبق السنجاري ارز صيادية 😋👌 وبالهنا والشفا ❤️
عجبتك الوصفة؟
شوف كل وصفاتنا في مكان واحد
كل الوصفات →