→ كل الوصفات

سمك مشوي بالردة 😋🐟🐠

سمك مشوي بتتبيله على طريقتي تحفه جداً 😋😋🐟

  • كيلو سمك بلطي
  • 0.25 كيلو ردة
  • بصله مفرومه
  • حبه طماطم مكعبات
  • 2 فلفل اخضر وحار
  • شبت مفروم
  • كزبرة مفرومه
  • 2 ثوم مفروم
  • م ص توابل سمك
  • م ص كمون
  • م قرفة
  • م ص كزبرة ناشفه
  • ملح حسب الرغبه
  • ليمون
  • ملعقة كبيرة خل
  1. نغسل السمك كويس بالدقيق والملح ونشيل الخايشيم وبطنه بس نسيب القشر عشان بيحميه وهو بيتشوى
  2. نحضر تتبيله السمك في الخلاط نحط الثوم والتوابل والليمون والخل ومعاهم بصله صغيرة وطماطم وفلفل اخضر و الشبت والكزبرة الخضرا ونخلطهم كويس ونركنهم دلوقتى (تتبيله خطيرة جداً وهتخلى السمك طعمه تحفه وهنستعملها في الاخر)
  3. بعد كدا نحضر حشو السمك (بصله مفرومه وطماطم مكعبات والفلفل الاخضر والحار ومعاهم شويه من التتبيله)
  4. نحشي السمك من جوة كويس ومكان الخايشيم بتاعه ونغطيه بالردة
  5. نحط صاج على النار من فوق ونسخنه كويس جداً ونرص السمك فيه وتكون النار عاليه هياخد على كل جنب 5 دقائق بالظبط
  6. بعد مايتشوى وكل الجوانب بتاعه تسود نجيب كيس بلاستيك ونحط فيه شويه من التتبيله بتاعه الخلاط فكرينها 🎀 ونرص السمك وبين كل واحده واحده نحط شويه من التتبيله لحد مانغطيهم بيها كويس ونقفل الكيس ونركنه شويه على جنب وكل شويه نقلبه بحيث اللي فوق يبقى تحت عشان كل السمك ياخذ من التتبيله
  7. نطلعه من الكيس على طبق التقديم
  8. الطعم خيال وبالف هنا وشفا 😋
عجبتك الوصفة؟
شوف كل وصفاتنا في مكان واحد
كل الوصفات →