→ كل الوصفات
طريقة عمل سمك مشوي بالرده سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كيلو سمك بورى
- راس ثوم
- ليمونه كبيره
- فلفل اخضر
- بقدونس
- توابل
- فلفل اسود
- كمون
- كسبرة
- ملح
- معلقتين كبار خل
- رده
طريقة التحضير
- اول شى اغسل السمك كويس وانضفه كويس كدا وبعدين اغسله بالملح والليمون والدقيق واسيبه شويه علشان اطلع منه ريحه الزفاره
- ثانيا في الكبه بحط الثوم وبشر المونه وعصير ليمون وقرن فلفل اخضر وعودين بقدونس وملح وفلفل اسود وكسبرة واطحنهم كويس واتبل السمك واسبهم في التلاجه كام ساعه ياخد طعم التتبيله
- ثالثا بطلعهم واجى في فرن البوتجاز من تحت يعنى وارش شويه ملح على الصاجه علشان ميلزقش واغطى السمك في الرده كويس وبعد متسخن الصاجه بحط السمك عليها
- في الوقت داه اكون مجهزه شويه من تتبيله السمك الاكنت محضرة واحطه في صينيه مع شويه ليمون ومعلقتين الخل وشويه ماء صغيرين ومعلقه ملح واقلبهم كويس ولما اطلع السمك احطهم في التتبيله دى على طول من الجمبين وفى طبق تانى اغطيهم بالفويل واسبهم نص ساعه بيكون طعمه جميل وصحى جدا
- وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد