→ كل الوصفات
حبيت أعملو مفاجأة لزوجي و خصوصي انو من محبي السمك المشوي.. اشتريت السمكات و خليت صاحب المسمكة ينضفلي إياهم، رجعت بالبيت غسلتهم
المقادير
- 2 فرخ سمك إجاج حجم كبير
- فليفلة حلوة
- حامض مقطع إلى شرائح
- بهار سمك
- زيت نباتي
- جوزة الطيب
- زنجبيل بودرة
- كمون
- أوريغانو
طريقة التحضير
- عملت شقين صغار على طرفي السمكة
- جهزت صينية الفرن و فرشتا بالفليفلة و شرائح الحامض
- بكاسة صغيرة جهزت التبلة حطيت فيها: ربع الكاسة زيت قلي و معلقة كبيرة بهار السمك و نص معلقة صغيرة من جوزة الطيب و الزنجبيل و الكمون و الاوريغانو
- دهنت السمك من كل جوانبه و من داخلو و بين الشقوق بالتبلة و حطيتو فوق فرشة الفليفلة و الحامض رجعت حطيت كم شريحة حامض بالشقوق يلي عملتها
- حطيتا بالفرن عالشبك الوسطاني و على نار متوسطة و شعلت الفرن بس من فوق و بس استوى جنب قلبتها عالجنب التاني
- ملاحظة** في ناس بتحب تحط توم مدقوق بالتبلة او تحط فصوص بالصينية كمان بتطلع طيبة بس انا ما حطيت لان كنا بدنا ناكلها من بالليل
- صحة و عافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد