→ كل الوصفات
طريقة عمل سمك مشوي بالفرن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 حبة سمك
- 3 حبات بطاطا
- حبة طماطم
- فليفلة حمرا
- فلفل اسود
- ملح
- كركم
- توم مهروس
- عصير ليمون
- فليفلة مطحونه خشنة
- زيت
- خل ابيض
- شرايح ليمون
طريقة التحضير
- مننضف السمك منيح ومنحطلو ملح وخل أبيض من الداخل ومن برا ومنتركهم عجنب
- منقشر البطاطا دوائر ومنحطلا البهارات والزيت ومنخلطهم ومنضفلا كاسة مي ومنحطا عالغاز ومنغطيها حتى تتستوي نص سوية
- منغسل السمك من الملح والخل ومنفركه بالتوم المهروس والليمون وبعدين منحط البهارات كلا والزيت
- ومنحط بصحن توم مهروس وفليفلة مطحونه خشنه وزيت زيتون وملح وليمون منخركهم منيح وبفرشاية المطبخ مندهن السمك بالصلصه من جوا وبرا وماننسا نشرح السمك بالنص وكمان منحطلا توم وليمون
- منطفي الغاز عالبطاطا ومنحط السمك بالصينية ومندخلا الفرن مشغلين النار من تحت ومن فوق.. بس استوت وتحمرت شوي من فوق منطالع الصينيه ومنقلب السمك ومنتركهم لتستوي.. اخدت معي وقت بالفرن حوالي تلت ساعه
- وقدمتا مع الصلصه
- بصراحه مابيخطر عبالنا ناكل السمك انا وزوجي وكانت اول مرة بساويه.. بس بعد ما طلعت كتييييير طيبه قررنا على طول ساويها
- ماكان في زنخه ابدااا حتى بالبيت مافي اي ريحه لان كترت توم وليمون عالسمك من جوا ودهنت السمك بالتوم
- انشالله تعجبكن 🙄🌷🌷
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد