→ كل الوصفات

سمك مشوي بالفرن

النقع على مرحلتين صحيح بيغلب بس مناخد نتيجه رهيييبي ومامنخلي السمك كتير تحت الماء لتجنب الزنخه وخل التفاح افضل من الخل الابيض والف صحة وهنا

  • سمكه كبيري
  • النقعه الاولى
  • ملح خل قشر ليمون طحين
  • النقعه التانيه
  • ملعقة.ملح كبيري
  • ملعقة صغيرة من البهارات التاليه :
  • كمون. هيل.فلفل اسود.كاري.كزبره ناعمه ثوم بودرة
  • بصل بودرة. بابريكا مجروشي
  • 3 حبات ليمون عصير
  • بشر قشر الليمون
  • فنجان.خل تفاح ضروري مو خل ابيض
  • راسين ثوم.كبار
  1. اول شي مننظف السمك.منيح.من جوا ومنشيل الحراشف تماما والزعانف
  2. منغسل السمكه بسرعه بالماء لان اذا طولت تحت الماء بتزنخ وبتغب ماء بتشرب ماء يعني ومننقعها بالنقعه الاولى لمدة ربع ساعة لنص ساعة ما اكتر منفركها منيح.من.جوا ومن برا
  3. منغسل السمكه من النقعه الاولى و منصفيا من الماء والافضل تنشيفا بفوطة نظيفي وغسل الفوطه.منيح بعد نقعا بالكلور
  4. مندق الثوم.ناعم.ومنضيف جميع البهارات المذكوره مع بشر الليمون وعصيره وخل التفاح
  5. حبيباتي خل تفاح افضل لانه مابيخلي السمكه تفرط.عالاستوا متل الخل الابيض بخليها تتفتت وتفرط
  6. مندهن السمكه بالخلطه لمذكوره ومنعملا مساج.ياعيني عالمساج للسمك والدجاج بتحسوا الدجاج والسمك.عم يحكيلكم دللوني دللوني قبل ماتاكلوني ههههههه
  7. منغلف السمكه ومنحطا بالبراد لتاني يوم ومنحطا بالفرن على سيبة الفرن بدون صينيه ومنحط الصينيه مع التتبيله تحت السمكه
  8. منشغل الفرن فقط.من فوق ومنصير مناخد من الماء والتتبيله يلي بالصينيه ومندير عالسمكه كل ماقلبناها بدها كل ربع ساعة تقلبيا وتحطي عليها من السوائل يلي عم.تنزل منها بالصينيه حنى تستوي وتتحمر
  9. هيك.مناخد سمكه فاخره طعم وشكل ولون
  10. كتير طيبي مع البطاطا المقليه السلطه وحامض بالثوم جربوها ودعولي
عجبتك الوصفة؟
شوف كل وصفاتنا في مكان واحد
كل الوصفات →