→ كل الوصفات

سمك مشوي بصوص الافوكادو ع طريقتي

طلعت كتيييير زاكيه بنصح بتجربتها

  • سمكتين حجم وسط
  • مقادير الحشوة:🍴
  • ضمة بقدونس
  • 3 حبات بندورة
  • 3 فصوص ثوم
  • بهارات مشكلة، زيت ذرة، وزيت زيتون، وليمون،خل،صوص صويا
  • مقادير الصوص:🍴
  • حبة افوكادو
  • معلقة زيت زيتون
  • 2 فص ثوم
  • ملح، وعصير نصف ليمونة، معلقه خل ابيض
  1. اول شي بتنظفي السمك قبل بيوم وبتبليه بالبهارات والملح والزيت والليمون والخل والصوص صويا وبتتركيه ليله كامله
  2. بتحضري الحشوة،، بتفرمي البقدونس، والبندورة،، وبتهرسي الثومة وبتقلبيهم ع الغاز مع البهارات والملح ومعلقتين زيت زيتون وذرة
  3. وبس يستوي بتحشي السمكات وبتوزعي باقي الحشوة بالصينية
  4. بتجهزي صوص الافوكادو بتهرسي حبه الافوكادو وبضيفي عليها رشة ملح ومعلقتين زيت زيتون وعصير ليمونه ومعلقة خل وصويا صوص وبتخلطيهم مع بعض،، وبس يتجانسو بتدهني السمكات فيهم وبتخلطي الباقي مع الحشوة
  5. بتحطيهم ع الغاز يطبخو وبس يستوو بتحطيهم بالفرن ع درجة حرارة 180 وبتشويهم،، وبتقدميهم،، وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →