→ كل الوصفات

سمك مشوي على الجريل

طريقة عمل سمك مشوي على الجريل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو ونص سمك بلطي
  • راس ثوم
  • ملح وكمون
  • بصل
  • فلفل اخضر
  • ليمون
  • 1/2 كبايه عصير ليمون
  • 1/4 كبايه خل
  • كبايه ماء
  • رده
  1. نغسل السمك كويس جداً بملح وخل وليمون برا وجوه
  2. نجهز تتبيلة السمك المعتاده نفرم الثوم معاه الملح والكمون ونخلطهم ببعض كويس ونبدأ نتبل السمك من جوه وبرا ونفتح السمك بالسكينه في النص عشان يستوي بسرعه لو سمك كبير لو صغير خلاص مش لازم
  3. ننزل السمك فالرده ونحطه على الجريل يتشوي ربع ساعة على كل ناحيه
  4. نجهز تتبيلة السمك المشوي في بوله كبيره نحط كبايه ماء وربع الخل وعصير الليمون والملح والبصل متقطع جوانح وفلفل أخضر ونقلبه اول ماالسمك يطلع من النار ننزله في التتبيله دي من الناحيتين بتشرب كويس عشان يطري ويتحدق ونطلعه عالطبق وهكذا مع بقيه السمك
  5. وفي الاخر البصل والفلفل الأخضر بتاع التتبيله بحطه عاالسمك من فوق عشان يدي شكل وبس بالف هنا على قلبكم ❤️❤️
عجبتك الوصفة؟
شوف كل وصفاتنا في مكان واحد
كل الوصفات →