→ كل الوصفات

سمك مشوي على الفحم بخلطه زي المحلات والمطاعم بظبط 😍🥀

طريقة عمل سمك مشوي على الفحم بخلطه زي المحلات والمطاعم بظبط 😍🥀 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كيلو سمك بلطي او اي نوع تحبيه
  • كزبرة خضرا متقطعه
  • 5 لمونات
  • ملح
  • كمون
  • كزبره ناشفة ناعمه
  • شطه حمرا او فلفل اخضر حار (اختياري)
  • جزرتين مبشورين ناعم
  • ثوم مفروم نااااااعم
  • شرايح ليمون (اختياري)
  1. تغسلي السمك كويس جداً قبل التتبيله ب ساعتين وتسبيه منقوع في ملح وخل وماء وبعدين تغسليه قبل التتبيله عليه طول وهتعملي فتحات في الجنبين بتوع السمكه عشان التتبيله تدخل فيه
  2. في طبق غويط هتحطي كل المكونات مع بعض ماعدا الكسبرا الخضرا عشان دي هنحطها بعد السمك ميطلع وتخلطيهم كويس جداً وبعدين هتجيبي السمك وتحطي التتبيله من جوه وتمسحي بايدك من بره على السمكه من الجنبين عشان التتبيله تدخل جوه السمك وبعد متخلصي السمك كله اركنيه على جنب لحد ما تشغلي الفحم ولحد مايولع الفحم كله هاتي السمك وحطيه على الشوايه وحطي شرايح الليمون فوقيه زي الصوره كده وكل ما تطلعي مجموعه سمك تحطي الكزبره فيه من جوه وتسبيه على جنب لحد ماخلصي كل السمك
  3. وتعصري ليمون على السمك قبل الاكل وده اختياري مش اساسي بس دي للناس عشاق الليمون الكتير على السمك وطبعا جنب الاكله دي هتعملي رز صياديه او رز ببصل وسلطه طحينه وسلطه خضرا وعيش ومخلل وبالف هنا على قلبك 🌹😍❤️
عجبتك الوصفة؟
شوف كل وصفاتنا في مكان واحد
كل الوصفات →