→ كل الوصفات

سمك مشوي على الفحم

طريقة عمل سمك مشوي على الفحم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 ونص كيلو سمك
  • ضمة كزبرة
  • راس ثوم
  • فليفلة مطحونة حر🌶
  • حامض شي نص كيلو او اكتر حسب
  • ملح حسب الرغبة
  • زيت زيتون
  • خل
  1. بسم الله الرحمن الرحيم. جبت سمك نظيف ورجعت نضفتو وغسلتو كذا مرة، شقيتو كرمال احشيهن وتركتو يتصفى من الماء وضفتلو ملح وحامض وخل وفركتو بقطع الحامض وغسلتن ورجعت ضفتلو خل وملح وعصرتلو حامض وقطعت حامض وتركتهم منقوعين مع بعض شي ساعة
  2. فرمت الكزبرة وقشرت الثوم ودقيتهم وضفت الكزبرة ودقيتها معهم لحتى صاروا ناعمين، ضفت عليهم الفليفلة الحرة وشوية زيت زيتون، شلتهم وتركتهم يتصفوا من الحامض والخل وبلشت احشيهم بقلب السمكة وبشقوق لي شقيتهم
  3. كنت فرمت تبولة وقشرت البطاطا وشعلت الفحم وبس حمت مزبوط حطيت السمك وبلشت اشويهم لخلصت الكمية 😋 ريحة كتير طيبة
  4. جهزت تبولة وقليت البطاطا كان خلص اخر سمك وهيدا لغدا والف صحة وهنا
عجبتك الوصفة؟
شوف كل وصفاتنا في مكان واحد
كل الوصفات →