→ كل الوصفات
#سمك #جود_بالموجود #رز #سلطة #سالمون #فيليه #رز #أرز #سلطة#طحينة
المقادير
- كيلو سمك فيليه
- 1/2 كيلو سمك سالمون
- عصير ليمون
- بصلتين مقطعين شرائح دائرية
- 5 حصوص ثوم مفرومين
- 1/4 كوب زيت زيتون
- كوب طحين
- 3 بيضات
- 1/4 حزمة كزبرة مفرومة خشن
- طحينة
- 1/4 ملعقة ثوم مهروس
- ملح وفلفل اسود حسب الرغبة
- اوريغانو
- بودرة بصل
- ملعقه صغيره كمون
- ملعقة طعام بقدونس مفروم
طريقة التحضير
- أخدت سمك فيليه و سلمون قطعتهم تقريبا القطعة اد راحة الكف وتبلتهم ب شرائح بصل وثوم مفروم وكزبرة خضراء مفرومة خشن ورشة كمون وزيت زيتون وعصرة ليمون ووضعت قشر الليمون. خليتهم كم ساعة و قلبتهم حتى أضمن أنو راحت أي زنخة
- جهزت خليط التغميس: طحين مع بودرة بصل وأوريغانو وملح وفلفل قلبتهم منيح. بيض خفقته جيداً مع رشة نسكافيه وملح وفلفل.غمّست السمك بالبيض وبعدين بالطحين قلبته فيه منيح حتى اخدت كل الجوانب الطحين.رفعتهم عالفريزر حوالي نص ساعة حتى يمسك الطحين منيح بالسمك وبعدين وضعتهم بصينية الفرن
- دخلتهم على فرن حامي على حرارة ١٨٠-٢٠٠ حوالي ٢٠ دقيقة ثم حمرتهم من الأعلى
- صوص الطحينة: عصير ليمون وطحينة وبقدونس مفروم و نتفة ثوم مهروس منخلطن و اذا كان سميك زيادة منضيف قليل من الماء حتى نحصل على القوام المطلوب
- قدّمت معهم رز أبيض وسلطة طبعاً
- ممكن تستخدموا خليط التغميس مرتين لو بدكم تغطية أسمك (طحين بيض طحين). السالمون ما غطسته شويته فوراً وانتبهوا أنو قد ياخد وقت أكثر شوي لأنه قطعه سميكة أكثر
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد