→ كل الوصفات
طريقة عمل سمك مشوي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كيلو سمك بلطي احسن يكون وسط
- 2 كوب رده
- 6 ليمون
- 2 راس توم مفروم
- معلقه كبيره كمون
- معلقه كبيره شطه
- 3 معالق كبيره ملح
- 1 حبه طماطم
- 1 حبه جزر
- بصله متوسطه
- معلقه صغيره توم مهروس
- 1/2 حزمه شبت مفروم
- 1/2 حزمه بقدونس أو كسبره مفروم
طريقة التحضير
- نفتح السمك وننظفه كويس جدا من جوه ونسيب عليه القشر من بره
- نبشر البصل والجذر او ممكن نفرمهم في الكبه ونضع عليه التوم والخضره المفرومه ورشه فلفل اسود ورشه كمون ومعلقه صغيره ملح ونعصر عليهم ليمونه ونقطع الطماطم قطع صغيره ونقلب الخليط باليد
- نحشي السمك بالخليط
- وفي صينيه صاج خفيفه توضع على عنيين البوتاجاز اللي جنب بعض وتسخن جيدا لمده ١٠ دقايق
- نقلب السمك في الرده على الجنبين
- ونرص السمك في الصينيه الساخنه جدا ونغطي عليها بقطعه من ورق الفويل وبعد ٥ دقايق نقلب السمك لو لقيناه اسود من تحت يبقي كده استوي من تحت نقلبه على الناحيه التانيه ونغطي بالفويل ٥ دقايق كمان
- نخلط التوم المفروم ممكن بقشره او متقشر مع الكمون والشطه والملح ونقطع الليمون نصين
- ترش رشه من خليط التوم على ورقه زبده وتحتها ورق فويل ويرص السمك المشوي ويرش فوقه رشه من خليط التوم ويعصر عليها ليمون على كل سمكه ليمونه ونكرر حتى ينتهي مقدار السمك ويقدم بجانب رز ابيض بالزيت او رز صياديه وبابا غنوج وسلطه خضرا وبالهنا😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد