→ كل الوصفات
طريقة عمل سمك مقلي 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو سمك بلطي متنضف كويس
- التتبيله
- معلقه كبيره ثوم بودرة
- معلقه كبيره كركم
- معلقه كبيره كزبره ناشفه
- معلقه صغيره حبهان بودرة
- معلقه صغيره بابريكا
- معلقه صغيره فلفل اسود
- معلقه كبيره ملح
- 1/4 كوب خل
- 1/4 كوب عصير ليمون
- معلقه صغيره هريسه
- 2 قرن فلفل حار مفروم
- 5 فصوص ثوم مفروم
- كوب دقيق
- زيت للقلي
طريقة التحضير
- نجيب السمك ونعمل فيه فتحتين بالعرض بالسكين من الناحيتين بعد ماننضفه كويس جد وسيبه في مصفاه
- نجيب طبق ونحط فيه التوابل كلها وكمان الخل والليمون والثوم المفروم والفلفل الأخضر المفروم ونقلب كويس ونجيب السمك ونحشيه بالخلطه كويس وكمان في الفتحات اللي عملنها علشان يتشرب لحم السمك من التتبيله كويس ونسيبه فيها ربع ساعة ياخذ من التتبيله
- نجيب طبق ونحط فيه الدقيق ونسخن الزيت ونجيب السمك نحطه في الدقيق كويس وبعدين ننزل من عليه الزياده ونحطه في زيت سخن ونقلي وبعدين نطلعه على ورق مطبخ وبعد كده نحط عليه وهو سخن من الباقي من التتبيله وقدميه مع رز بالبصل وسلطه خضره وبالف هنا 😉
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد