→ كل الوصفات

سمك مقلي

كان عندي سمكه لوت كبيره اوي كانت حوالي ٥ أو ٦ كليو اخدت منها فليه بعد ما خليتها بقى عندي الراس و العضم الكبير اسيبو طبعااا لا ااا تعالو معايا نشوف عملت اي عملت منها شوربه و من الشوربه عملت رز بني و كمان عملت الشوك والعضم وكانت النتيجة خياااال 😉✌️ #ع_طريقتي

  • قطع من سمك لوت
  • توم
  • فلفل أخضر حامي
  • لمون
  • ملح و كمون و كسبره ناشفه
  • كوب بقدونس أخضر
  • دقيق للتغطيه
  • ميا متلجه
  1. ف الهون حطيت الفلفل الحامي والتوم والبقدونس الأخضر مع الملح والكمون والكسبره الناشفه ودقيتهم ناعم اووي.. مسكت قطع السمك اللي عندي وحطيتهم ف التتبيله وضفت عليه نص كوب عصير لمون وخليتهم ساعه واكتر كمان
  2. وقت القلي جهزت طبق الدقيق ولعت ع الزيت يسخن وطبعا الزيت يغطي قطع السمك لأنها عضم و هيكل السمكه جهزت طبق غويط تاني فيه ميا بتلج.. هانحط السمك ف الدقيق وناخدو نحطو ف الميا المتلجه ونعد لحد ٥ يعني نقول ١ ٢ ٣ ٤ ٥ ونطلع السمك نرجعو الدقيق تاني ونطلعو نحطو ف الزيت ع طوول و نوطي عليه النار
  3. هانطلعو من الزيت ف الطبق و برضو هاننزل عليه بلمون لانو احلا حاجه للسمك المقلي اللمون ونقدمو مع الرز والسلطه وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →