→ كل الوصفات
طريقة عمل سمك مقلي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كيلو سمك بلطي
- 3 معلقه توم مهروس
- معلقه كبيره كمون
- 1/2 معلقه شطه
- معلقه كبيره ملح
- 1/2 معلقه صغيره فلفل اسود
- زيت للقلي
- 5 ليمونه
- كوب دقيق
- 2 حبه طماطم مبشوره
طريقة التحضير
- ينظف السمك كويس جدا وينقع في ماء وملح ودقيق وليمون وخل لمده خمس دقايق
- يشطف السمك جيدا ويصفي ويشق بالسكين من عند الظهر بطول السمكه
- نخلط التوم مع الكمون والليمون والشطه والملح والفلفل الأسود ولو عندك دقه توم بالفلفل الأحمر حطي معلقه بتبقي حلوه وممكن كمان تحطي معلقتين عصير بصل
- نملح السمك من جوه وفي الشق اللي في الجنب كمان
- وفي طاسه صغيره نضيف معلقتين زيت ونأخذ معلقه من دقه التوم ونشوحها وبعدين نضيف الطماطم المبشورة ونتركها تتسبك ونضعها علي جنب
- نسخن الزيت ونعفر السمك بالدقيق ونقليه ولما يتحمر من ناحيه نقلبه علي الناحيه التانيه ونكرر لغايه لما الكميه كلها تخلص والسمك اللي يتحمر نطلعه علي طبق ونضع عليه معلقه من خلطه الصلصه المسبكه نضع علي الجنبين
- ويرص في طبق التقديم ونضع عليه بقدونس مفروم وانا بقدم جنبه رز صياديه طبعا وبتنجان مخلل وطماطم مخلله وبالهنا😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد