→ كل الوصفات

سندوتشات شاورما الفراخ السوري بكل خطواتها 👌

لفه جلاش ونص كيلو بانيه هنعمل ٧ سندوتشات شاورما تكفى اسره 😍

  • 1/2 كيلو بانيه
  • 6 ثمرات صغيرة طماطم
  • ثمرتين فلفل كبار اخضر
  • بصلتين وسط
  • معلقه صغيره فلفل اسود
  • معلقه صغيره كاري
  • معلقه صغيره كزبره جافة
  • رشه حبهان
  • 1/2 كوب بقدونس
  • معلقتين كبار خل
  • فص ثوم
  • ملح حسب التذوق
  • معلقه كبيره سمن
  • لفه جلاش
  • للصوص :نص كوب زبادي
  • 1/4 كوب خل
  • فصين ثوم
  • 1/3 كوب طحينه
  • رشه فلفل اسود وملح
  • غلاف الجلاش :نص كوب زبادي
  • بيضتين
  • رشه فلفل اسود
  • خيار مخلل
  1. هنحضر المكونات هنقطع الخضار جوانح ونضيف التوابل مع الخضار
  2. ونقطع البانيه جوانح قلايه على النار هنضيف فيها ملعقة سمن
  3. تسخن هضيف البصل واقلبه كويس في السمن
  4. يتقلي ويدبل هنضيف الطماطم والفلفل وفص الثوم واقلبهم مع بعض
  5. هنضيف البقدونس اقلبهم واضيف البانيه
  6. اقلبهم مع بعض واضيف الخل واخليهم على النار لما يتشرب الماء خالص
  7. البانيه يستوي والماء تقل خالص وكدا الشاورما جاهزه للحشو 😍
  8. هنحضر الصوص فبوله صغيرة هنضيف مكوناته مع بعض ونقلبهم مع بعض كويس جداً كدا يبقى جاهز 😍
  9. دهان الغلاف فبوله هنضيف الزبادي مع البيض والفلفل ونقلبهم حلو اوي واخليهم على جمب 😍
  10. هنقطع الخيار شرايح رفيعه خالص هنفرد ورقتين جلاش ونطبقهم نصين وناخد من الورق المكسر أو المقطع فيها ونضيفه على الطرف بالشكل ده
  11. هنضيف عليه من خليط البيض والزبادي ملعقة صغيرة ونفردها وعليه ملعقة من الصوص ونوزعها ونوزع شرايح الخيار
  12. ومقدار من الشاورما بنفس الشكل هنقفل عليه وندهنه بالخليط البيض نقفل الجوانب
  13. ونلفها رول بالشكل ده
  14. لما يتقفل كله ويكون متساوي من كل الجوانب وهكذا لانتهاء الكميه هندهن الجريل سمن تسخن
  15. ونرص السندوتشات وعلى نار متوسطه عشان ميتحرقش هنسويهم على كل الجوانب
  16. ونطلعهم على طبق ويتقدم مع البقدونس المفروم وبالهنا ✋💪
عجبتك الوصفة؟
شوف كل وصفاتنا في مكان واحد
كل الوصفات →